लोक तथा दोहारी गीत प्रतिष्ठान नवलपरासीमा नयाँ नेतृत्व, अध्यक्षमा पराजुली

मोहन पौडेल

२०८२ कार्तिक २३, आईतबार प्रकाशित (११ महिना अघि) ७३६ पाठक संख्या

परासी, २३ कात्तिक । राष्ट्रिय लोक तथा दोहोरी गीत प्रतिष्ठान जिल्ला शाखा नवलपरासी(बर्दघाट सुस्ता पश्चिम)को अध्यक्षमा रमेश पराजुली निर्वाचित हुनुभएको छ । प्रतिष्ठानको २० औँ वार्षिक साधारणसभा तथा नवौँ जिल्ला अधिवेशनले पराजुलीको नेतृत्वमा आगामी तीन वर्षका लागि नयाँ जिल्ला कार्य समिति निर्विरोध निर्वाचित गरेको हो ।
नवनिर्वाचित जिल्ला समितिको प्रथम उपाध्यक्षमा भरत कामु मगर,द्धितीय उपाध्यक्षमा सोमप्रसाद पौडेल, महिला उपाध्यक्षमा तारा सुनार, सचिवमा भविश्वर चापागाई र कोषाध्यक्षमा दीपा शाही, सहसचिवमा बलबहादुर थापा र सहकोषाध्यक्षमा राधा केसी रहनुभएको लोक तथा दोहोरी गीत प्रतिष्ठान नवलपरासीका पूर्व अध्यक्ष भरत क्षेत्रीले जानकारी दिनुभयो ।
यस्तै जिल्ला सदस्यमा विजय गुप्ता तेली,सिता रजाली मगर,नारायण भुर्तेल,नवीन सुनार,छविलाल भुसाल,लोकबहादुर मिजार,जुना कुमारी कँडेल,हरि बहादुर रसाइली,कुल निधी पाण्डे,विष्णु भट्टराई,ज्योति लाल सुनार,जानकी अर्याल रहनुभएको छ ।
प्रतिष्ठानकी निवर्तमान जिल्ला अध्यक्ष श्यामकला भण्डारीको अध्यक्षता तथा पूर्व केन्द्रीय अध्यक्ष चन्द्र शर्माको प्रमुख आतिथ्यमा साधारणसभा तथा अधिवेशन भूमहीमा सम्पन्न भएको हो ।