सम्भाव्य परियोजनाको चार दिने आवासीय कार्यशाला इटहरीमा शुरु

दैनिक 24 खबर

२०८२ भाद्र १, आईतबार प्रकाशित (३ महिना अघि) २६४ पाठक संख्या

सुनसरी, १ भाद्र । युवा सशक्तिकरण र समावेशी नेतृत्व विकासलाई लक्षित गर्दै “सम्भाव्या” परियोजना अन्तर्गत चार दिने आवासीय कार्यशाला शुक्रबारदेखि इटहरी सुनसरीमा सुरु भएको छ ।
कार्याशालाको उद्घाटन गर्दै कोशी प्रदेशसभा सदस्य सपना परियारले युवा नेतृत्व विकासमा यस कार्यक्रमले दीर्घकालीन प्रभाव पार्ने विश्वास व्यक्त गर्नुभयो । उहाँले युवाले सामाजिक रुपान्तरणमा अग्रणी भूमिका निर्वाह गर्ने भएकाले सम्भाव्या जस्तो परियोजनाको विशेष महत्व रहेको बताउनुभयो ।
प्रोजेक्ट म्यानेजर दीपा राईको अध्यक्षतामा भएको उक्त कार्यक्रममा राईले परियोजनाले युवा सहभागिता, नेतृत्व क्षमता अभिवृद्धि, र योन तथा प्रज्जन स्वास्थ्य अवसरका लागि बलियो आधार तयार गर्ने जानकारी दिनुभयो ।
उक्त अवसरमा युवा विकास केन्द्रका कार्यकारी निर्देशक निराजन खड्काले संस्थागत दृष्टिकोण प्रस्तुत गर्दै युवालाई आवश्यक ज्ञान, सीप र स्रोतको पहुँच दिलाउन निरन्तर सहयोग गर्ने प्रतिवद्धता जनाउनुभयो । युवा अभियन्ता सुसिल राजभरले आफ्ना अनुभव साझेदारी गर्दै युवाले आफ्नो भुमिकालाई समाज परिवर्तनको निम्ती सामाजिक सदभाव कायम गर्न युवा शक्तिको सहि सदुपयोग हुन अपरिहार्य रहेको धारणा राख्नुभयो ।
चार दिनसम्म सञ्चालन हुने कार्यशालामा युवाहरुले नेतृत्व, लिङ्ग समानता, सामाजिक समावेशिता, यौन तथा प्रज्जन स्वास्थ्य अधिकार, मर्यादित महिनावारी, परियोजना व्यवस्थापन, र समूहगत तालिमका विभिन्न सत्रहरुमा सहभागी परियोजनाका समिर परियारले जानकारी दिनुभयो । कार्यक्रमले युवामा आत्मविश्वास अभिवृद्धि गर्ने, सामाजिक उत्तरदायित्वबारे सचेत गराउने र समावेशी समाज निर्माणमा योगदान गर्ने अपेक्षा गरिएको छ ।
परियोजनाबारे सोसल मिडिया लिड मनिषा न्यौपाने भन्नुहुन्छ । “हामीले करिब ३ महिनाअघि ‘प्रोजेक्ट सम्भाव्या’ को सोसल मिडिया प्लेटफर्ममार्फत आधिकारिक रूपमा सुरुवात गरेका थियौँ, यस अवधिमा दर्शक तथा युवाबाट धेरै राम्रो प्रतिक्रिया प्राप्त भइरहेको छ, धेरै युवा यस परियोजना बारेमा थप जान्न इच्छुक छन, लामो समयपछि आज वर्कसप आयोजना हुन लागेकोमा हामी सबै उत्साहित छौँ, यसअघि पनि हामीले विभिन्न अनलाइन प्लेटफर्ममार्फत श्रृंखलाबद्ध भर्चुअल सेसनहरू सम्पन्न गरिसकेका छौँ”
युरोपियन युनियन यूथ साउन्डिङ बोर्ड नेपालको आयोजनामा संचालित विशेष कार्यक्रम “ Project SambhavyaM A step towards Inclusvive future मा युवा विकास केन्द्र Rainbow Disability Nepal  (नेपालमा अपाङ्गता भएका यौनिक तथा लैङ्गिक अल्पसंख्यकहरूसँग काम गर्न पहिलो संस्था ) को सहकार्य रहेको छ ।