सुस्तामा ट्रकको ठक्करबाट साईकलयात्रीको मृत्यु

मोहन पौडेल

२०८१ मंसिर ४, मंगलबार प्रकाशित (४ घण्टा अघि) ८५ पाठक संख्या

परासी, ४ मंसिर । पश्चिम नवलपरासीमा ट्रकको ठक्करबाट एक साईकल यात्रीको मृत्यु भएको छ । मंगलबार सुस्ता गाउँपालिका–१ बरुवाचोकमा बर्दघाटबाट त्रिवेणीतर्फ जाँदै गरेको लु २ ख ८९३ नम्बरको ट्रकले सोही दिशातर्फ जाँदै गरेका साईकलयात्रीलाई ठक्कर दिँदा उक्त दुर्घटना भएको हो ।
दुर्घटनामा परी साईकलयात्री सुस्ता–१ बरुवाका ६५ वर्षीय रामजी नेपालीको मृत्यु भएको जिल्ला प्रहरी कार्यालय पश्चिम नवलपरासीका सूचना अधिकारी डिएसपी रेशम बोहराले जानकारी दिनुभयो । ट्रकको ठक्करबाट गम्भीर घाईते भएका नेपालीको उपचारको लागि सहीद स्मृत्ति सामुदायिक अस्पताल चौपत्तामा लगिएकोमा चिकित्सकले मृत घोषणा गरेका थिए । ट्रक र चालकलाई प्रहरीले नियन्त्रणमा लिएको छ भने घटनाको थप अनुन्धान भईरहेको डिएसपी बोहराले बताउनुभयो ।