राष्ट्रिय योजना आयोगको उपाध्यक्षमा डा. विश्वनाथ पौडेल नियुक्त

दैनिक 24 खबर

२०७८ श्रावण १२, मंगलबार प्रकाशित (३ साल अघि) १४२४ पाठक संख्या

काठमाडौं, साउन १२ ।मन्त्रिपरिषद्को आजको बैठकले राष्ट्रिय योजना आयोगको उपाध्यक्षमा डा. विश्वनाथ पौडेल नियुक्त गर्ने निर्णय गरेकाे छ । साथै, सदस्यहरूमा रामकुमार फुयाँल र दिलबहादुर गुरूङ रहनुभएकाे छ ।

त्यस्तै, गण्डकी प्रदेश प्रमुखमा पृथ्वीबहादुर गुरुङ्ग र लुम्बिनी प्रदेश प्रमुखमा अमिक शेरचनकाे नाम सिफारिस गरेको सरकारका प्रवक्ता तथा कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले बताउनुभयो ।

साथै, प्रभुराम शर्मालाई कायममुकायम प्रधानसेनापतिका लागि सिफारिस गर्ने निर्णय गरेकाे छ । प्रधानसेनापति पूर्णचन्द्र थापाले भदौ  २५  गतेबाट अनिवार्य अवकाश पाउँदै हुनुहुन्छ ।