नेपाली कम्युनिष्ट पार्टी नवलपरासीद्धारा देवेन्द्र पौडेलसहितका उम्मेदवार सिफारिस

मोहन पौडेल

२०८२ पौष ११, शुक्रबार प्रकाशित (३ घण्टा अघि) ४७४ पाठक संख्या

परासी, ११ पुस । नेपाली कम्युनिस्ट पार्टी जिल्ला कार्यालय नवलपरासी (बर्दघाट–सुस्ता पश्चिम)ले आगामी संघीय निर्वाचनका लागि प्रत्यक्ष र समानुपातिकतर्फका उम्मेदवारहरू सिफारिस गरेको छ।
जिल्ला कमिटीको बैठकले पार्टीको केन्द्रीय निर्देशनअनुसार पश्चिम नवलपरासी निर्वाचन क्षेत्र नं. १ र २ का प्रत्यक्ष तथा समानुपातिकतर्फका उम्मेदवारहरूको नामावली सिफारिस गरिएको जिल्ला इन्चार्ज भविश्वर तिवारी आजादले जानकारी दिनुभयो ।
उहाँका अनुसार निर्वाचन क्षेत्र नं. १ बाट प्रत्यक्षतर्फको उम्मेदवारका रूपमा केहरसिंह कुवर, रामनन्द यादव, काशीनाथ हरिजन, देवानन्द फौजदार र इन्दिरा बडाल सिफारिस हुनुभएको छ । केन्द्रिय सदस्य कुँवर युवा कलस्टरबाट सिफारिसमा पर्नुभएको हो ।
त्यस्तै निर्वाचन क्षेत्र नं. २ बाट प्रत्यक्ष उम्मेदवारका रूपमा घनश्याम यादव, देवेन्द्र पौडेल, दुलारी हरिजन, ध्रुब नारायण बनिया र हरि भण्डारी सिफारिस हुनुभएको छ । पूर्व शिक्षा मन्त्री एवं पार्टीका केन्द्रिय सचिवालय सदस्य पौडेल पनि यस क्षेत्रबाट सिफारिस हुनुभएको हो । यस क्षेत्रबाट युवा कलस्टरमा हरि भण्डारी सिफारिस हुनुभएको छ ।
समानुपातिकतर्फ बृहस्पति अधिकारी, लक्ष्मी भुषाल खरेल जैसी, लोक प्रसाद श्रेष्ठ, कुमार आले, अगविर वि.क., निर्मला के.सी., अनिता भुज हरिजन, सुरेन्द्र प्रसाद शर्मा बढई, सुभान अली र प्रह्लाद पासीको नाम सिफारिस सूचीमा समेटिएको छ। केन्द्रीय कार्यालयलाई गरिएको सिफारिस पत्रमा जिल्ला इन्चार्ज बृहस्पति अधिकारी, भविश्वर तिवारी, संयोजक रामनन्द यादव तथा अध्यक्ष कुमार आलेको हस्ताक्षर रहेको छ।