पाल्हीनन्दन गाउँपालिकाद्धारा धान प्रवद्र्धनका लागि कृषकलाई आधुनिक कृषि उपकरण वितरण

दैनिक 24 खबर

२०७८ श्रावण ३, आईतबार प्रकाशित (५ साल अघि) १३२६ पाठक संख्या

मोहन पौडेल
परासी, ३ साउन । नवलपरासी(बर्दघाट सुस्ता पश्चिम)को पाल्हीनन्दन गाउँपालिकाले धान उत्पादन प्रवद्र्धन गर्न कृषकलाई आधुनिक प्रविधिका कृषि यान्त्रिकरण उपलब्ध गराएको छ । परम्परागत खेतीलाई आधुनिकीकरण तथा प्रविधिमैत्री बनाउँदै उत्पादनमा बृद्धि गर्न यान्त्रिकिरणमा जोड दिईएको हो ।
पाल्हीनन्दन ४ मा सञ्चालित धान मिसन कार्यक्रममा आवद्ध कृषकहरुलाई आज एक कार्यक्रम गरी अनुदानमा कृषि यन्त्र उपकरण वितरण गरिएको हो । सिँचाईदेखि किरा नियन्त्रण गर्नेसम्मका प्रविधिको मेसिन प्रदान गरिएको गाउँपालिकाका अध्यक्ष बैजुप्रसाद गुप्ता (दीपक)ले दैनिक 24 खबर डटकमलाई जानकारी दिनुभयो ।
सामाग्री गाउँपालिकाको ५० प्रतिशत अनुदान र किसानको ५० प्रतिशत लगानीमा वितरण गरिएको हो। गाउँपालिकाका कृषि शाखा प्रमुख पशुपतिनाथ चौधरीका अनुसार ८२ थान स्प्रे ट्याङ्की, १९ थान सिडी मेसिन, मोटर १९ थान लगायत वितरण गरिएको हो ।