विनयी त्रिवेणीमा लागु औषध दुव्र्यसन न्युनिकरण सम्बन्धी सचेतनामूलक कार्यक्रम

दैनिक 24 खबर

२०८१ अषाढ १, शुक्रबार प्रकाशित (५ महिना अघि) १४५ पाठक संख्या

शान्ति बिक

दुम्किबास,३२ जेठ ।  विनयी त्रिवेणी गाउँपालिकाको आयोजनामा गाउँपालिकाको ७ वटै वडामा लागु औषध दुव्र्यसन न्युनिकरण सम्बन्धी सचेतनामुलक कार्यक्रम सम्पन्न भएको छ ।
वडा नं.३,४ र ५ को सर्दि, वडा नं.१ र २ को दुम्किबास तथा वडा नं.६ र ७ को त्रिवेणीमा क्रमशः यहि जेठ २७, २८ र २९ गते कार्यक्रम सम्पन्न भएको गाउँपालिकाका प्राविधिक सहायक अमरराज न्यौपानेले जानकारी दिनुभयो ।
दुम्किबासमा कार्यक्रमको उद्घाटन गर्दै गाउँपालिकाका उपाध्यक्ष भगवति बैदवारले लागु औषध मन्द विष भएको र यसले व्यक्तिलाई मात्र नभई परिवार, समाज र सिंगो राष्ट्रलाई नै हानी गरिरहेको हुदाँ यसको न्युनिकरणका लागि सबै क्षेत्र एकजुट हुनुपर्ने बताउनुभयो ।
सर्दिमा कार्यक्रमको उद्घाटन गर्दै वडा नं.४ का अध्यक्ष साहिल श्रेष्ठले लागु औषध प्रयोगकर्ताको संख्या दिनानुदिन बढेको बताउदै यसलाई कम गर्न सचेतनामूलक कार्यक्रम आवश्यक रहेको जिकिर गर्नुभयो ।
त्रिवेणीमा कार्यक्रम उद्घाटन गर्दै वडा नं.६ का सदस्य विष्णु चौलागाईले लागु औषधको सहज उपलब्धताका कारण यसको प्रयोगकर्ता बढेको बताउदै सिमा नाकामा निगरानी बढाउनुपर्ने बताउनुभयो ।
गाउँपालिकाका शिक्षा शाखा प्रमुख भुपराज पाण्डेले लागु औषध दुव्र्यसन न्युनिकरणका लागि अभिभावकको भुमिका महत्वपुर्ण हुने बताउदै सन्तानको हेरचाह साथै उनीहरुमाथि निगरानी गर्नुपर्ने बताउनुभयो ।
कार्यक्रममा इलाका प्रहरी कार्यालय दुम्किबासका प्रहरी सहायक निरिक्षक कमल भुषाल, त्रिवेणीका प्रमुख सानुकाजी विष्ट, अस्थायी प्रहरी चौकी सर्दिका इन्चार्ज धर्मराज शर्मा र शान्ती बि.क.ले सहजीकरण गर्नुभएको गाउँपालिकाका प्राविधिक सहायक अमर न्यौपानेले जानकारी दिनुभयो ।