नेपाली कांग्रेसको सहकारी विभाग प्रमुखमा कँडेल नियुक्त

दैनिक 24 खबर

२०८० मंसिर १, शुक्रबार प्रकाशित (१ साल अघि) ४३८ पाठक संख्या

परासी, १ मंसिर । नेपाली कांग्रेसले केन्द्रीय सहकारी विभागको जिम्मेवारी नेता देवेन्द्रराज कडेँललाई दिएको छ । पार्टी सभापति शेरबहादुर देउवाले शुक्रबार सहकारी विभाग प्रमुखमा कँडेललाई मनोनीत गरी जिम्मेवारी दिनुभएको हो ।

नेपाली कांग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार पार्टीको विधानको धारा ३७ को उपधारा १ अनुसार सभापति देउवाले सहकारी विभाग प्रमुखमा कँडेललाई मनोनीत गर्नुभएको हो ।

कांग्रेस विधानमा महाधिवेशन भएको ६ महिनाभित्र विभागहरु गठन गरि सक्नुपर्ने व्यवस्था भए पनि सभापति देउवाले ढिलो गरी जिम्मेवारी तोक्नुभएको हो । पश्चिम नवलपरासीका कडेँल कांग्रेस केन्द्रिय सदस्य एवं पूर्वगृहराज्यमन्त्री हुनुहुन्छ ।