एमाले रामग्राम नगर अध्यक्षमा पुन: यादव

मोहन पौडेल

२०८१ बैशाख ४, मंगलबार प्रकाशित (१ महिना अघि) २६७ पाठक संख्या

परासी, ४ वैशाख । नेकपा एमाले रामग्राम नगर कमिटी पश्चिम नवलपरासीको अध्यक्षमा हरिलाल यादव निर्वाचित हुनु भएको छ ।
एमाले रामग्राम नगर कमिटीको आज परासीमा सम्पन्न दोस्रो नगर अधिवेशनले दोस्रो कार्यकालको लागि यादवको नेतृत्वमा नयाँ नगर कमिटी निर्विरोध निर्वाचित गरेको हो ।
नवगठित नगर कमिटीको उपाध्यक्षमा सन्त बहादुर चौधरी,सचिवमा सन्देश न्यौपाने,उपसचिवमा मोहम्मद रजाक मिया र नारायणी गड्तौला निर्वाचित हुनु भएको अध्यक्ष मण्डलका संयोजक एवं रामग्राम नगर प्रमुख धनपत यादवले जानकारी दिनुभयो ।
अधिवेशनको एमाले केन्द्रीय सदस्य एवं प्रतिनिधिसभा सदस्य सरिता खनालले उद्घाटन गर्नु भएको थियो।