नवलपरासीमा नेपाल समाजवादी पार्टीको जिल्ला सम्मेलन आयोजक समिति गठन, संयोजकमा पाठक

मोहन पौडेल

२०८१ जेष्ठ ३०, बुधबार प्रकाशित (१0 महिना अघि) २७९ पाठक संख्या

परासी, ३० जेठ । डा.बाबुराम भट्टराई नेतृत्वको नेपाल समाजवादी पाटी(नेसपा)ले पश्चिम नवलपरासीमा जिल्ला अधिवेशन आयोजक समिति गठन गरेको छ ।
पार्टीको स्थापना दिवसको अवसरमा आज आयोजित प्रशिक्षण तथा जिल्ला समन्वय समितिको बैठकले नेपाल समाजवादी पार्टीको वर्तमान जिल्ला कमिटीलाई विघटन गरि आयोजक समिति बनाएको हो ।
बैठकले पार्टीका कार्यबाहक जिल्ला अध्यक्ष चन्द्रभुषण पाठक आलोकलाई आयोजक समितिको संयोजक तोकेको छ । पाठकको संयोजकत्वमा ५१ सदस्यीय आयोजक समिति गठन गरिएको निवर्तमान अध्यक्ष रोहित सहानीले जानकारी दिनुभयो ।
सहानीको अध्यक्षता तथा केन्द्रीय परिषद् सदस्य चिनक कुर्मीको प्रमुख आतिथ्यमा बैठक तथा प्रशिक्षण सम्पन्न भएको थियो । नेता कुर्मीले समाजवाद तर्फको बाटोमा हिँड्नु नै अहिलेको मूख्य आवश्यकता रहेको बताउनुभयो ।