नेपाली कांग्रेस प्रतापपुरका कार्यबाहक सभापति अधिकारीद्धारा राजिनामा

२०८३ बैशाख २३, बुधबार प्रकाशित (१ घण्टा अघि) ७३ पाठक संख्या

परासी,२३ बैशाख। पश्चिम नवलपरासीस्थित नेपाली काङ्ग्रेस प्रतापपुर गाउँपालिकाका कार्यबाहक सभापति राजुु प्रसाद अधिकारीले पार्टीबाट राजीनामा दिएका छन् ।

अधिकारीले आफ्नो ब्यक्तिगत फेसबुक मार्फत नेपाली काङ्ग्रेस क्षेत्रीय कार्यसमिति,नेपाली काङ्ग्रेस जिल्ला कार्यसमिति नवलपरासी,नेपाली काङ्ग्रेस लुम्बिनी प्रदेश कार्यसमिति र नेपाली काङ्ग्रेस केन्द्रिय कार्यसमितिलाई बोधार्थ गरेर राजीनामा सार्बजनिक गरेका छन् ।

अधिकारीले राजीनामा पार्टी भित्र चरम गुटबन्दी र नेताहरुमा एकले अर्को लाई सिधाउने खेलको प्रवृत्ति हाबी भएको भन्दै र यस्ता घृणित कार्यमा आफू सहभागिता हुन नसक्ने भन्दै नेपाली काङ्ग्रेस प्रदेश कार्यसमिति नवलपरासी १ ख का सभापतिलाई सम्बोधन गरि राजीनामा पेश गरेका हुन् ।

अधिकारी नेपाली काङ्ग्रेस पार्टीमा बि स २०४६ सालको जनआन्दोलन पछि हाल सम्म पार्टीको एक इमानदार सिपाही तथा कार्यकर्ताको रूपमा र हाल नेपाली काङ्ग्रेस प्रतापपुर गाउँपालिका कार्यसमितिका उपसभापति काम गर्दै आईरहेका थिए ।

तपाइंलाई यो खबर पढेर कस्तो लाग्यो? मन पर्यो

मन पर्योखुशीअचम्मउत्साहितदुखीआक्रोशित