पश्चिम नवलपरासीमा राति नौ बजेसम्म मात्र देउसी–भैलो खेल्न पाईने

मोहन पौडेल

२०७८ कार्तिक १७, बुधबार प्रकाशित (३ साल अघि) ७८८ पाठक संख्या

परासी,१७ कात्तिक । जिल्ला प्रशासन कार्यालय पश्चिम नवलपरासीले राति ९ बजेपछि देउसी–भैलो खेल्न रोक लगाएको छ ।
प्रमुख जिल्ला अधिकारी धर्मेन्द्र कुमार मिश्रले आज एक विज्ञप्ती जारी गरी देउसी–भैलो एवं अन्य नाचगानका कार्यक्रम राति ९ बजेसम्म मात्र गर्न आग्रह गर्नुभएको हो ।
पटकाजस्ता विस्फोटक वस्तुको उत्पादन ओसारपसार बिक्री वितरण एवं प्रयोग नगर्न नगराउन पनि भनिएको छ। जुवातास तथा जुवाजन्य खेल नखेल्न, नखेलाउन र शान्ति सुरक्षालाई असर पार्ने कुनै पनि कार्य नगर्न पनि विज्ञप्तिमार्फत आग्रह गरिएको छ।
विज्ञप्तिमा तोकिएभन्दा विपरीत कार्य गरिएको पाइए कानूनबमोजिम कारबाही गर्ने चेतावनीसमेत दिइएको छ।