निजामती सेवा दिवसको अवसरमा परासीमा प्रभातफेरी

मोहन पौडेल

२०८२ भाद्र २३, सोमबार प्रकाशित (५ घण्टा अघि) ४० पाठक संख्या

परासी,२३ भदौ ।  २२ ओैँ निजामति सेवा दिवस आइतबार नवलपरासी सहित देशभर मनाइएको छ । मुलुकको स्थायी सरकारका रूपमा रहेका निजामती सेवाका कर्मचारीहरुले पश्चिम नवलपरासीमा प्रभातफेरी आयोजना गरी दिवस मनाएका छन् ।
जिल्ला प्रशासन कार्यालयको आयोजनामा परासी बजारका विभिन्न भाग परिक्रमा गरिएको थियोे । प्रभातफेरी कार्यक्रममा जिल्लाका सहायक प्रमुख जिल्ला अधिकारी पोषणराज भण्डारी,कर्मचारीका ट्रेड युनियन तथा संघ संगठनका प्रतिनिधि एवं विभिन्न सरकारी कार्यालयमा कार्यरत कर्मचारीहरुको सहभागिता रहेको थियो ।

उक्त अवसरमा सहायक प्रजिअ भण्डारीले सेवाप्रवाहलाइ सहज,छिटो छरितो र प्रविधिमैत्री बनाउन जोड दिनुभएको थियोे । निजामती सेवासम्बन्धी ऐन पहिलोपटक जारी भएको विक्रम संवत् २०१२ भदौ २२ गतेको स्मरण गर्दै २०६१ सालदेखि हरेक वर्ष भदौ २२ गते निजामती सेवा दिवस मनाउने गरिएको छ ।