मुक्ति समाज नेपाल नवलपरासीको अध्यक्षमा सुनार

मोहन पौडेल

२०८२ भाद्र १४, शनिबार प्रकाशित (१४ घण्टा अघि) १९२ पाठक संख्या

परासी, १४ भदौ । नेकपा एमाले निकट मुक्ति समाज नेपाल नवलपरासीको अध्यक्षमा धीरबहादुर सुनार विश्वकर्मा निर्वाचित हुनुभएको छ । समाजको शनिबार सरावलमा सम्पन्न आठौँ जिल्ला अधिवेशनबाट विश्वकर्माको अध्यक्षतामा २७ सदस्यीय जिल्ला कमिटी सर्वसम्मत निर्वाचित भएको हो ।

समाजको उपाध्यक्षमा सञ्जय कुमार गौतम,सचिवमा विनु परियार तथा उपसचिवमा रम्भा हरिजन र बुद्ध हरिजन चयन हुनुभएको मुक्ति समाज नेपालकी केन्द्रीय सदस्य एवं नवलपरासी जिल्ला इन्चार्ज तारा सुनारले जानकारी दिनुभयो ।
समाजको जिल्ला सदस्यमा रामकिशन हरिजन,मुन्सि कुमार हरिजन,विन्दादेवी हरिजन,ओमप्रकाश हरिजन,सम्झना लोहनी,पम्फा नेपाली,सीता पोर्तेल सुनार,अनिता हरिजन,पञ्चम हरिजन,चन्द्रवती हरिजन,मीन कुमारी विश्वकर्मा,रोहित हरिजन,प्रित्तम खड्काथोकी,लक्ष्मिना हरिजन,जोरहा हरिजन,तारा हरिजन,इन्दु हरिजन,मिथुन हरिजन,भेषनारायण हरिजन लगायत रहनुभएको छ ।

मुक्ति समाजका निवर्तमान जिल्ला अध्यक्ष राजेन्द्र रसाइलीको अध्यक्षता तथा केन्द्रीय अध्यक्ष एवं नेकपा एमालेका केन्द्रीय सदस्य मनोहर विश्वकर्मा पौडेलको प्रमुख आतिथ्यमा अधिवेशनको उद्घाटन गरिएको थियो ।
उक्त अवसरमा एमाले केन्द्रीय सदस्य एवं सुनवल नगर प्रमुख बिमला अर्याल, एमाले जिल्ला अध्यक्ष दीपेन्द्र अधिकारी, लुम्बिनी प्रदेश सदस्य थानप्रसाद गैरे,राष्ट्रियसभाका पूर्व सदस्य रामलखन हरिजन,मुक्ति समाजकी केन्द्रीय अर्थसचिव कल्पना पौडेल,केन्द्रीय सचिवालय सदस्य एवं जिसस पूर्वी नवलपरासीका प्रमुख बाबुराम विश्वकर्मा,समाजका लुम्बिनी प्रदेश इन्चार्ज सुरेन्द्र श्री,प्रदेश अध्यक्ष कृष्ण विश्वकर्मा, मुक्ति समाजकी केन्द्रीय सदस्य एवं जिल्ला इन्चार्ज तारा सुनार,एमाले जिल्ला सदस्य एवं मुक्ति समाज इन्चार्ज मोतिलाल सुनार,विनु परियार, सञ्जय गौतम हरिजन लगायतले शुभकामना व्यक्त गर्नुभएको थियो ।