बुलेट मिडियाद्धारा प्रकाशित पात्रो विमोचन तथा शुभकामना आदानप्रदान

दैनिक 24 खबर

२०८१ चैत्र २०, बिहिबार प्रकाशित (२१ घण्टा अघि) ५० पाठक संख्या

परासी, २१ चैत। बुलेट मिडिया प्रालि पाल्हीनन्दन नवलपरासीले प्रकाशन गरेको नववर्ष २०८२ को टेबुलपात्रो विमोचन तथा शुभकामना आदानप्रदान कार्यक्रम सम्पन्न भएको छ ।
बुधबार परासीमा आयोजित समारोहमा रामग्राम नगरपालिकाका पूर्व मेयर नरेन्द्र कुमार गुप्ताले टेबुलपात्रो बिमोचन गर्नुभएको हो । गुप्ताले राज्यको चौथो अंग मिडिया जगत विश्वसनिय हुन जरुरी रहेको बताउनुभयो ।
उहाँले मिडिया क्षेत्रले राज्यको अन्य तीन अंगलाई खबरदारी गर्दै सत्य तथ्य सूचना सम्प्रेषण गर्नुपर्नेमा जोड दिनुभयो । बुलेट मिडियाका सञ्चालक ज्ञानेश्वर सहानीले स्थापनाको तीन महिनामै मिडियाले राम्रो साथ पाएको बताउँदै आगामी दिनमा पनि जनताको मन जित्ने गरी काम गर्ने बताउनुभयो ।
कार्यक्रममा जिल्ला प्रहरी कार्यालयका प्रहरी नायव उपरीक्षक वीरदत्त पन्त, सरावल उद्योग वाणिज्य संघका वरिष्ठ उपाध्यक्ष वीरेन्द्र यादव, पत्रकार महासंघका पूर्व केन्द्रीय सदस्य बेचु गौड, परासी प्रेस क्लवका अध्यक्ष मोहन पौडेल, पाल्हीनन्दन प्रेस क्लवका अध्यक्ष हुसेन अन्सारी,समाजसेवी राकेश गुप्ता, रञ्जित शर्मा, खतरा न्यूजका सम्पादक मानेश्वर सहानी, सिधा नजर मिडियाका सञ्चालक महेश यादव लगायतले शुभकामना व्यक्त गर्नुभएको थियो ।
बुलेट मिडिया प्रालिले खतरा न्यूज अनलाईन सञ्चालन गर्दै आएको छ ।