आन्दोलनको आवरणमा अपराधिक गतिविधि गर्नेलाई कानूनी दायरामा ल्याइयोस्:समाजवादी महिला संघ

मोहन पौडेल

२०८१ चैत्र १६, आईतबार प्रकाशित (३ दिन अघि) १५२ पाठक संख्या

परासी, १७ चैत । डा.बाबुराम भट्टराई नेतृत्वको नेपाल समाजवादी पार्टी निकट नेपाल समाजवादी महिला संघले आन्दोलनको नाममा जघन्य अपराधजन्य गतिविधि गर्नेलाई कारवाहीको दायरामा ल्याउन माग गरेको छ ।
संघकी केन्द्रीय अध्यक्ष सुनिता काफ्लेले आज एक विज्ञप्ति जारी गर्दै राजतन्त्र पुनःस्थापनाको नाममा गरिएको आन्दोलनको आवरणमा वितण्डा मच्याईएको भन्दै आपत्ति जनाउनुभएको छ ।
‘सर्वसाधारण जनताको निजी सम्पत्ति, व्यापारिक केन्द्रहरु,राजनीतिक दलका कार्यालय लगायत सार्वजनिक सम्पत्तिहरुमा योजनाबद्ध ढंगले गरिएको तोडफोड र लुटपाट तथा आगजनीसहितका अराजक र अपराधिक गतिविधिप्रति समाजवादी महिला संघ घोर विरोध र भत्र्सना गर्दछ’, विज्ञप्तिमा भनिएको छ।

‘तथ्यबाट सत्य खोजौ, इतिहासबाट पाठ सिकौं राजावादीहरुले कथित आन्दोलनका आवरणमा मच्याएको वितण्डता प्रति नेपाल समाजवादी महिला संघको ध्यानाकर्षण भएको छ । सर्वसाधारण जनताका निजी सम्पत्तिहरु, व्यापारिक केन्द्रहरु, राजनीतिक दलहरुका कार्यालयहरु लगायत सार्वजनिक सम्पत्तिहरुमाथि योजनावद्ध ढङ्गले गरिएको तोडफोड, लुटपात र आगजनी लगायतका अराजक र आपराधिक गतिविधिहरुको नेपाल समाजवादी महिला संघले घोर विरोध र भर्त्सना गर्दछ । यसै क्रममा मण्डले आततायी तत्वहरुले व्यक्तिको निजी घरमा आगो लगाएर एभिन्युज टेलिभिजनका पत्रकार सुरेश रजकको ज्यान लिएका छन् । किर्तीपुर निवासी सविन महर्जन समेतका मृत्यु भएको छ । सुरेस र सविन महर्जनको श्रीमतिको सिन्दुर पोते चुरा खोसिएको छ । मृतकहरु प्रति हार्दिक श्रद्धान्जली व्यक्त गर्दै राजतन्त्रको भूत पुर्नस्थापना गर्न आन्दोलनको नाममा जघन्य अपराधिक गतिविधिमा संलग्न व्यक्तिहरुलाइ तत्काल पक्राउ गरी कानुनी कारवाहीको दायरामा ल्याई यस्ता विध्वंशकारी गतिविधिहरुलाई समयमा नियन्त्रण गर्न नेपाल सरकारलाई ध्यानाकर्षण गराउँदछौं । लोकतन्त्रको रक्षा र गणतन्त्रको लागि हाम्रो समाजवादी महिला संघ एक्लै भए पनि निरन्तर संघर्ष गरि रहने प्रतिवद्धता यसै प्रेस विज्ञप्ती मार्फत जाहेर गर्दछौं ।’विज्ञप्तिमा भनिएको छ।