जीतपुर(ख) टोल विकास संस्थाको अध्यक्षमा पुनः दीपक क्षेत्री

मोहन पौडेल

२०८१ चैत्र १६, आईतबार प्रकाशित (३ दिन अघि) ९९ पाठक संख्या

परासी, १७ चैत । पश्चिम नवलपरासीको रामग्राम नगरपालिका वडा नं.४ स्थित जीतपुर(ख) टोल विकास समितिको अध्यक्षमा दीपक क्षेत्री निर्वाचित हुनुभएको छ । संस्थाको शनिबार सम्पन्न छैठौँ साधारणसभा तथा तेस्रो अधिवेशनले दोस्रो कार्यकालको लागि क्षेत्रीको नेतृत्वमा नयाँ कार्यसमिति चयन गरेको हो ।
नवगठित समितिको उपाध्यक्षमा चन्दा हरिजन, सचिवमा रामशरण सिंह क्षेत्री तथा कोषाध्यक्षमा नुमा चौधरी निर्वाचित हुनुभएको छ । साधारणसभाले संस्थाको गत आर्थिक वर्षको वार्षिक प्रतिवेदन तथा सात लाख ११ हजार २३४ बराबरको आयव्यव विवरण समेटिएको कोषाध्यक्षको आर्थिक प्रतिवेदन पारित गरेको छ ।
अध्यक्ष दीपक क्षेत्रीको अध्यक्षता तथा रामग्राम नगरपालिकाकी कार्यबाहक नगर प्रमुख सम्झना चौधरीको प्रमुख आतिथ्यमा भएको उक्त कार्यक्रममा वडा नं. ४ का वडा अध्यक्ष मदन यादव,सामाजिक विकास शाखा प्रमुख नगेन्द्र यादव,वडा सदस्यहरु गंगा लक्ष्मी हरिजन शिवप्रसाद कोँहार, स्थानीय समाजसेवी कृष्णप्रसाद तिवारी,अनिता तिवारी लगायतले शुभकामना व्यक्त गर्नुभएको थियो ।