मन्त्री तिमिल्सिनाद्धारा नवलपरासीस्थित एसईई परीक्षा केन्द्रहरुको अनुगमन

मोहन पौडेल

२०८१ चैत्र १२, बुधबार प्रकाशित (१ हफ्ता अघि) १९० पाठक संख्या

परासी, १३ चैत । लुम्बिनी प्रदेशका सामाजिक विकास मन्त्री जन्मजय तिमिल्सिनाले पश्चिम नवलपरासीस्थित माध्यमकि शिक्षा परीक्षा(एसईई) सञ्चालन भईरहेका विभिन्न परीक्षा केन्द्रहरुको अनुगमन गर्नुभएको छ ।
मन्त्री तिमिल्सिनाले सदरमुकाम परासीस्थित आदर्श मावि, पवन मावि,सरस्वती मावि शान्तिचौर, भूमहीस्थित जनगन्नाथ मावि लगायतका परीक्षा केन्द्रको अनुगमन गर्दै परीक्षा व्यवस्थापन,विद्यार्थीहरुको उपस्थिति एवं परीक्षाको वातावरणको विषयमा जानकारी लिनुभएको थियो ।

परीक्षा शान्त एवं मर्यादीत रुपमा सञ्चालन भईरहेको पाईएको बताउँदै मन्त्री तिमिल्सिनाले परीक्षा केन्द्रका केन्द्राध्याक्ष, सहायक केन्द्राध्यक्ष, निरीक्षक,सुरक्षा निकाय लगायत सम्बद्ध सबैमा धन्यवाद व्यक्त गर्नुभएको थियो ।
आज पाँचौ दिन अनिवार्य सामाजिक अध्ययन विषयको परीक्षा सञ्चालन भइरहँदा पश्चिम नवलपरासी जिल्लालाई प्राथमिकता दिएर अनुगमन गर्नुभएकोमा नेपाल शिक्षक संघका जिल्ला अध्यक्ष भोजराज चापागाईले मन्त्रीसहितको टोलीलाई धन्यवाद ज्ञापन गर्नुभयो । उहाँले जिल्लाका विद्यालयहरुको पूर्वाधार निर्माण, प्रविधिमैत्री शिक्षण र तालिमको माध्यमबाट गुणस्तरी शिक्षाका लागि योजना एवं बजेट विनियोजन गर्न आग्रह गर्नुभएको थियो । मन्त्री तिमिल्सिनाले विद्यालय र शिक्षकका माग सम्बोधन गर्ने आश्वासन पनि दिनुभयो ।

मन्त्रीसहित जिल्ला समन्वय समितिका प्रमुख भगौती यादव(रुदल),शिक्षा विकास तथा समन्वय इकाई प्रमुख महेन्द्र सुवेदीसहित अन्य सरोकारवालाहरुको टोलीले परीक्षा केन्द्रहरुको अनुगमन गरेको हो ।