भुजहवाको बर्दघाटे कालिका मन्दिरमा रुद्र महायज्ञ हुँदै

मोहन पौडेल

२०८१ चैत्र ४, मंगलबार प्रकाशित (२ हफ्ता अघि) २११ पाठक संख्या

परासी, ५ चैत । पश्चिम नवलपरासीको सरावल गाउँपालिका–७ भुजहवास्थित बर्दघाटे कालिका मन्दिरमा रुद्र महायज्ञ हुने भएको छ । रामनवमीको अवसरमा यही चैत १७ गतदेखि श्री श्री १०८ रुद्र महायज्ञ सञ्चालन हुन लागेको हो ।
मन्दिरको पौराणिक महत्वलाई उजागर र प्रचारप्रसार गर्ने उद्देश्यले रुद्र महायज्ञ सञ्चालन गर्न लागिएको महायज्ञ आयोजक संस्था बर्दघाटे कालिका मन्दिर संरक्षण संस्थाका अध्यक्ष वीरेन्द्र यादवले जानकारी दिनुभयो । चैत १७ देखि शुरु हुने महायज्ञ चैत २६ गतेसम्म सञ्चालन हुनेछ ।

महायज्ञमा भारत अयोध्याका यज्ञाचार्य बलराम चौबेले प्रवचन दिने अध्यक्ष यादवले बताउनुभयो । महायज्ञमा दिउँसोमा प्रवचन र रातीको समयमा रामलिाल प्रदर्शन गरिने आयोजकले जनाएको छ । चैत १७ गते कलश यात्रासहित महायज्ञ शुभारम्भ गरिने भएकोले सम्पूर्ण हिन्दु धर्मावलम्बीहरुलाई सहभागिताका लागि आयोजकले अनुरोध पनि गरेको छ ।साथै महायज्ञलाई पूर्ण सहयोग गरी सम्पन्न गर्न सरावल तथा प्रतापपुर गाउँवासीहरुलाई अध्यक्ष यादवले आग्रह गर्नुभएको छ ।