मोटरसाइकल दुर्घटनामा चालकको मृत्यु

मोहन पौडेल

२०८१ कार्तिक १८, आईतबार प्रकाशित (३ हफ्ता अघि) ३५८ पाठक संख्या

परासी,१८ कात्तिक । पश्चिम नवलपरासीको सुस्ता गाउँपालिकामा आज साझ भएको मोटरसाइकल दुर्घटनामा परी एक जनाको मृत्यु भएको छ ।
जिल्लाको सुस्ता गाउँपालिका-२ सत्तपति स्थित भित्री सडक खण्डमा लु १८ प ५८४९ नम्बरको मोटरसाइकल साझ करिब ८ बजेको समयमा अनियन्त्रित भई पल्टिँदा दुर्घटना भएको हो ।
दुर्घटनामा परी मोटरसाइकल चालक सुस्ता-२ महलबारी बस्ने ४५ वर्षीय दल बहादुर चौधरीको मृत्यु भएको जिल्ला प्रहरी कार्यालय पश्चिम नवलपरासीका सूचना अधिकारी प्रहरी नायब उपरीक्षक रेशम बोहराले जानकारी दिनुभयो ।
बरुवाबाट कुडियातर्फ जाँदै गर्दा मोटरसाइकल आफै अनियन्त्रित भई पल्टिएको थियोे । दुर्घटनामा परी गम्भीर घाइते भएका चौधरीको क्रिमसन अस्पताल रुपन्देहीमा उपचारको क्रममा राति साढे ९ बजे चिकित्सकले मृत घोषणा गरेको डिएसपी बोहराले बताउनुभयो ।