सरावल र सुनवलका युवाहरू एमालेमा प्रवेश

दैनिक 24 खबर

२०७८ मंसिर २६, आईतबार प्रकाशित (२ साल अघि) ९१५ पाठक संख्या

परासी , २६ मंसिर । नेपाल कम्युनिस्ट पार्टी (एमाले ) को आयोजनामा पश्चिम नवलपरासीको सुनवल-१२ हरकट्टामा पार्टी प्रवेश कार्यक्रम सम्पन्न भएको छ ।
उक्त अवसरमा नेपाली कांग्रेस,माओवादी केन्द्र पार्टी परित्याग गरि सुनवल-१२ र सरावल-२ का युवाहरु एमालेमा प्रवेश गरेको उक्त पार्टीले जनाएको छ ।
युवा संघका वडा अध्यक्ष प्रविन क्षेत्रीको अध्यक्षता तथा नेकपा एमालेका जिल्ला उपाध्यक्ष डोलराज भण्डारीको प्रमुख आतिथ्यमा भएको उक्त कार्यक्रममा भण्डारीले मुलुक र जनताको पक्षमा काम गर्ने पार्टी एमाले मात्रै भएकोले एमालेमा प्रवेशको लहर छाएको बताउनुभयो ।
कार्यक्रममा एमाले जिल्ला सचिवालय सदस्य राजकुमार श्रेष्ठ,वडा कमिटी अध्यक्ष लुमाकान्त भुसाल, युवा समाजसेवी मीन बस्याल,राष्ट्रिय युवा संघका ईश्वर पोखरेल (युनिक योद्धा ) , राजु श्रेष्ठ ,प्रकाश ज्ञवाली लगायतको सहभागिता थियो ।
एमाले नेता राजकुमार श्रेष्ठ,युवा समाजसेवी मीन बस्याल,ईश्वर पोखरेल,निरज खड्का लगायतको पहलमा युवाहरू पार्टी प्रवेश गरेको बताईएको छ।