माओवादी केन्द्रले शनिबार पश्चिम नवलपरासीका सबै पालिकामा अधिवेशन गर्दै

दैनिक 24 खबर, मोहन पौडेल

२०७८ मंसिर १०, शुक्रबार प्रकाशित (२ साल अघि) १०२८ पाठक संख्या

परासी, १० मंसिर। नेकपा माओवादी केन्द्रले पश्चिम नवलपरासीका सातै स्थानीय तहमा शनिबार भोली एकैदिन पालिका अधिवेशन गर्र्दैछ । पार्टीको राष्ट्रिय सम्मेलन अन्र्तगत भोली मंसिर ११ गते सबै पालिकामा एकैसाथ अधिवेशन गर्न लागिएको माओवादी केन्द्रले जनाएको छ ।
पश्चिम नवलपरासीका तीन नगरपालिका र चार गाउँपालिकामा भोली हुने निर्वाचनको सम्पूर्ण तयारी पूरा भएको माओवादी केन्द्र्रका जिल्ला अध्यक्ष भविश्वर तिवारी आजादले जानकारी दिनुभयो । अधिवेशन अन्र्तगत वडाबाट छानिएर आएका नगरमा दुई सय र गाउँपालिकामा डेढ सय प्रतिनिधि, साविक नगर र गाउँकमिटी आयोजक प्रतिनिधिको रुपमा सहभागि हुने उहाँले बताउनुभयो ।
माओवादी केन्द्रले नगरमा ५९ जना निर्वाचित र ६ जना मनोनित गरी ६५ सदस्यीय तथा गाउँपालिका कमिटीमा ४९ निर्वाचित र ६ जना मनोनित गरी ५५ सदस्यीय कमिटी निर्माण गर्नेछ भने महिला, दलित, मुस्लिम, युवाको लागि कलस्टर तोकिएको माओवादी केन्द्र सुनवल नगर सचिव भोला पराजुलीले जानकारी दिनुभयो ।