महिन्द्रा इलेक्ट्रिक मोबिलिटीको थ्री–ह्विलर अटो रुपन्देहीमा लञ्च

मोहन पौडेल

२०७८ कार्तिक १२, शुक्रबार प्रकाशित (२ साल अघि) ७२५ पाठक संख्या

परासी, १२ कात्तिक ।महिन्द्रा इलेक्ट्रिक मोबिलिटीको थ्री–ह्विलर अटो रुपन्देहीमा लञ्च भएको छ । भारत स्थित महिन्द्रा कम्पनीको पश्चिम क्षेत्रको आधिकारिक बिक्रेता ग्रिन ड्राइभ गु्रप प्रा.लि.ले बिहीबार रुपन्देहीको तिलोत्तमा स्थित शोरुमबाट ट्रियो नामक लिथियम–आयोन सञ्चालित इलेक्ट्रिक थ्री–ह्विलर अटो सार्वजनिक गरेको छ । तीन दिन अघि काठमाडौँमा पनि लञ्च गरिएको थियो।
करिब २ वर्षको अध्ययन र परीक्षणपछि नेपालका लागि उपयुक्त ठानेर सार्वजनिक गर्दै बिक्री विरतरण सुरु गरिएको नेपालका लागि महिन्द्राको अधिकृत इभी वितरक अग्नि इनर्जीका कार्यकारी म्यानेजर प्रमोद भण्डारीले बताउनुभयो ।
नेपालमा बढ्दो विद्युतीय सवारीसाधनको माग र आवश्यकतालाई मध्यनजर गरी यहाँको भौगोलिक अवस्थाको पनि अध्ययन गरी उक्त अटो बिक्री वितरण सुरु गरिएको उहाँले बताउनुभयो ।
अटोका आधिकारिक बिक्रेता ग्रिन ड्राइभ गु्रप प्रा.लि.का अध्यक्ष अजय कुमार खाती क्षेत्रीले एक पटकको लगानीले लामो समयसम्म निरन्तर आम्दानी र बचत गर्न सकिने साधनको रुपमा रहेको दाबी गर्नुभयो ।
नेपालको अहिलेको समयमा विद्युतीय सवारीको आवश्यकता र माग बढ्दो छ । यस्तो अवस्थामा महिन्द्राको ट्रियो थ्री ह्विलरअटो निकै प्रभावकारी रहेको र यसमा एक पटक लगानी गरेपछि तीन वर्ष वारेण्टी रहेको उहाँले बताउनुभयो । उहाँका अनुसार न्यून विद्युत खपत र कम खर्चमा नियमित आम्दानीसँगै खर्च पनि बचत हुन्छ ।’ लञ्च गरिएको विद्युतीय अटोको मूल्य ८ लाख ४० हजार रहेको छ ।
महिन्द्रा कम्पनीका एक्सपोर्ट हेड हिमांशु अग्रवालले अटोबाट वार्षिक २ लाख खर्च बचत हुने दाबी गर्नुहुन्छ । प्रतिकिमि ०.८ रुपैयाँभन्दा कमको सञ्चालन लागत,फुल चार्ज आठ युनिट, प्रतियुनिट १२ रुपैयाँ र एक सय २० किमि गुड्ने, आठ किलोवाटको ऊर्जा शक्ति र ४२ एनएमको टर्क, मर्मत–सम्भारमुक्त, एक लाख ५० हजार किलोमिटर ब्याट्रीको आयु, तीन वर्ष वा ८० हजार किमि वारेन्टी जस्ता विशेषताहरु रहेको बताउँदै उहाँले बताउनुभयो । एक्सपोर्ट हेड अग्रवालले प्रतिचार्जमा एक सय ३० किमिसम्मको प्रयोगयोग्य रहेको बताउँदै अटोकाृ तीन् वर्ष वा ८० हजार किमि वारेण्टी र ५ वर्षसम्म अटोले लागत उठाउने दाबी गर्नुभयो ।