सुनवल-१३ का ३० जना एमालेमा प्रवेश, जनताको पक्षमा काम गर्ने पार्टी एमाले नै हो : जलेसा

दैनिक 24 खबर

२०७८ कार्तिक ३, बुधबार प्रकाशित (३ साल अघि) १५६४ पाठक संख्या

परासी, ३ कार्तिक । पश्चिम नवलपरासीको सुनवल नगरपालिका वडा नं. १३ का ३० जना भन्दा बढी स्थानीयवासी नेकपा एमालेमा प्रवेश गरेका छन् ।
आज सुनवल-१२ हरकट्टामा आयोजित पार्टी प्रवेश कार्यक्रममा सुनवल-१३ बाट विभिन्न पार्टी परित्याग गरि स्थानीय युवा,मजदुर तथा किसानहरु एमालेमा प्रवेश गरेका हुन् ।
एमाले नेता राजकुमार श्रेष्ठ,अनेरास्ववियुका जिल्ला सहसंयोजक निरज खड्का र युवा समाजसेवी मीनप्रसाद बस्यालको विशेष पहलमा आज ३० जना भन्दा बढी व्यक्तिहरुले एमाले प्रवेशको घोषणा गरेका हुन् ।
नवप्रवेशीहरुलाई एमाले नेतृ प्रदेश कमिटी सदस्य एवं संविधानसभा सदस्य सिन्धु जलेसा,जिल्ला सचिवालय सदस्य सरस्वती सुवेदी र केन्द्रीय परिषद् सदस्य राजकुमार श्रेष्ठले स्वागत तथा पार्टी प्रवेश गराउनुभएको थियोे ।
एमाले सुनवल-१२ का अध्यक्ष लोमाकान्त भुसालको अध्यक्षता तथा एमाले नेतृ एवं संविधानसभा सदस्य जलेसाको प्रमुख आतिथ्यमा भएको उक्त कार्यक्रममा प्रमुख अतिथि जलेसाले जनताको सच्चा साथी र जनताको हितमा काम गर्ने पार्टी एमाले मात्रै भएको बताउनुभयो ।
एमाले नेतृत्वको सरकारको पालामा मुलुकमा विकासले फड्को मारेको तर अहिलेको सरकारले केही पनि गर्न नसकेको उहाँले बताउनुभयो । प्रचण्डले पार्टी र जनतालाई धोका दिएको र केपी ओलिले डटेर मुलुक र जनताको हितमा काम गरेको कारण अहिले देशैभरि एमालेमा प्रवेशको लहर छाएको उहाँले बताउनुभयो ।
मुलुकको विकास एमाले बिना हुन नसक्ने र आम नागरिकको पक्षमा काम गर्ने पार्टी एमाले मात्रै देखिएकोले अहिले यश क्षेत्रमा पार्टी प्रवेशको लहर चलेको एमाले नेता राजकुमार श्रेष्ठले बताउनुभयो ।
कार्यक्रममा जिल्ला सचिवालय सदस्य सरस्वती सुवेदी , केन्द्रीय परिषद सदस्य राजकुमार श्रेष्ठ, युवा समाजसेवी मीन बस्याल,अनेरास्ववियुका सहसंयोजक निरज खड्का, जिल्ला परिषद् सदस्य छविलाल सापकोटा लगायतले बोल्नु भएको थियो