पश्चिम नवलपरासीमा बिहीबारदेखि राष्ट्रिय परिचयपत्रको लागि विवरण संकलन दर्ता अभियान शुरु हुने 

मोहन पौडेल

२०७८ श्रावण ६, बुधबार प्रकाशित (३ साल अघि) ९१९ पाठक संख्या

परासी, ६ साउन । पश्चिम नवलपरासीमा बिहीबारदेखि राष्ट्रिय परिचयपत्रको लागि विवरण संकलन दर्ता अभियान शुरु हुने भएको छ ।
राष्ट्रिय परिचयपत्र तथा पञ्जीकरण विभागले जिल्ला प्रशासन कार्यालय परासीको समन्वयमा आज परासी मा अन्तर्क्रिया कार्यक्रम गरि उक्त जानकारी दिएको हो ।
भोलि बर्दघाट नगरपालिकाबाट अभियान शुरु गरिने विभागकि निर्देशक विनिता भट्टराईले दैनिक 24 खबर डटकमलाई जानकारी दिनुभयो । अभियान अन्तर्गत एउटा पालिकामा ४५ केन्द्रको व्यस्थापन गरिएको छ । नागरिकता,विवाहदर्ता र बसाइँसराइको सक्कलै लिएर तोकिएको स्थानमा गई राष्ट्रिय परिचयपत्रको विवरण संकलन दर्ता गराउन विभागले आग्रह गरेको छ ।
प्रमुख जिल्ला अधिकारी धर्मेन्द्र मिश्रले स्थानीय तहको समन्वयमा कार्यक्रम सञ्चालन हुने बताउनुभयो ।
उक्त अवसरमा जिल्ला समन्वय समिति प्रमुख शिवशंकर राय,बर्दघाट नगरपालिका प्रमुख धीरज शर्मा बस्यनल, सहायक प्रमुख जिल्ला अधिकारी जोरासिंह माझी लगायतले अभियान सफलताको शुभकामना व्यक्त गर्नुभएको थियोे ।