जनयुद्धका शहिद सलीमको स्मृति कार्यक्रम सम्पन्न

दैनिक 24 खबर

२०८२ पौष १९, शनिबार प्रकाशित (१ दिन अघि) १११ पाठक संख्या

परासी, १९ पुस।  क्रान्तिकारी कम्युनिस्ट पार्टी नेपाल जिल्ला समिति नवलपरासीले जनयुद्धका सहिद सुर्यबिक्रम थापा (सलीम)को स्मृति दिवस मनाएको छ ।
शनिवार नवलपरासीले बर्दघाट–१४ चौपत्तास्थित शहिदस्मृति अस्पतालको प्रांगणमा एक कार्यक्रम आयोजना गरेर पार्टीले सलीम लगायतका शहिदलाई सम्झेको हो ।
कार्यक्रममा सलीमका सहोदर दाजु समेत रहेका क्रान्तिकारी कम्युनिस्ट पार्टी नेपालका केन्द्रीय सदस्य तथा जिल्ला ईन्चार्ज क्षेत्र बहादुर थापाले प्रतिनिधिसभाको निर्वाचन सशक्त बहिष्कारको पक्षमा पार्टी उभिएको जानकारी गराए ।
कार्यक्रममा पार्टीका युवा नेता तथा बैकल्पिक केन्द्रीय सदस्य एंव जिल्ला सेक्रेटरी रवि पाण्डेयले नयाँ जनवादी क्रान्तिको खुड्किलो पार गरेर बैज्ञानिक समाजवादी ब्यवस्था नल्याए सम्म शहीदका सपना पूरा नहुने चर्चा गरे ।
आगामी निर्वाचनलाई साम्राज्यवादद्वारा प्रायोजित निर्वाचन भन्दै उक्त पार्टीले सशक्त बहिष्कार गर्ने जनाएको छ ।
सलीम तत्कालिन जनमुक्ति सेनाका बिग्रेड कमाण्डरका रुपमा कार्यरत हुदाँ २०६० साल पौष १९ गते शाही नेपाली सेनासंगको भिडन्तमा सहादत प्राप्त उच्च कमाण्डर थिए ।
कार्यक्रममा सलीमको छोरी खुसी , क्रान्तिकारी संयुक्त मोर्चाका जिल्ल्ला संयोजक चुडामणी भण्डारी र अस्पतालका अध्यक्ष डिबी थापालगायतको आतिथ्यता थियो ।
कार्यक्रमको संचालन पार्टीका जिल्ला कार्यालय सदस्य दुर्गा नारायण चौधरीले गरेका थिए । नवलपरासीबाट जनयुद्धको क्रममा ३४ जनाले सहादत्त प्राप्त गरेका थिए ।